काठमाडौँ । काठमाडौँ विश्वविद्यालयले भोटेकोशि नदीमा आएको विनाशकारी बाढीबाट प्रभावित नागरिकको उद्धार, राहत तथा पुनःस्थापनाका लागि ८५ लाख रुपैयाँ सहयोग गरेको छ ।
काठमाडौँ विश्वविद्यालयका एकेडेमिया–इन्डस्ट्री कोअपरेसन विभागका प्रमुख लक्ष्मण लामाले शिक्षा तथा खेलकूदमन्त्री सस्मित पोखरेललाई उक्त रकमको चेक हस्तान्तरण गरेका थिए ।
विश्वविद्यालयको कार्यकारी परिषद्को निर्णयअनुसार ८५ लाख रुपैयाँ सहयोग रकम प्रधानमन्त्री दैवी प्रकोप उद्धार तथा राहत कोषमा जम्मा गरिएको हो ।
रसुवा, नुवाकोट, धादिङ, गोरखा र चितवनलगायत क्षेत्रमा आएको भीषण बाढीबाट भएको जनधनको क्षतिपछि राहत तथा पुनःस्थापना कार्यमा योगदान पुर्याउने उद्देश्यले विश्वविद्यालयले आफ्नो सामाजिक उत्तरदायित्वअन्तर्गत उक्त सहयोग गरेको विश्वविद्यालयले जनाएको छ ।
