काठमाडौँ । चालु आर्थिक वर्ष २०८३/०८४ का लागि भन्सार विभागको वार्षिक राजस्व लक्ष्य रु. छ खर्ब २८ अर्ब रहेकोमा असोज ६ गतेसम्म रु. एक खर्ब दुई अर्ब राजस्व असुली भएको छ । चालु आर्थिक वर्षमा असुल गर्न बाँकी राजस्व रु. पाच खर्ब २७ अर्ब रहेको छ ।
तातोपानी भन्सार कार्यालय केही समयदेखि सञ्चालनमा नरहेको तथा भोटेकोशीमा आएको बाढीका कारण रसुवा भन्सार कार्यालय पूर्णरूपमा क्षतिग्रस्त भइ सञ्चालनमा नरहेको विषम परिस्थितिका बीच पनि सम्पूर्ण भन्सार प्रशासनको अथक प्रयासबाट असोज ६ गतेसम्म रु. एक खर्बभन्दा बढी राजस्व संकलन गर्न भन्सार विभाग सफल भएको छ ।
आगामी दिनमा भन्सार विभागको अर्जुनदृष्टि बाँकी रु. पाच खर्ब २७ अर्ब राजस्व असुलीमा केन्द्रित रहनेछ । तथ्याङ्क असोज ६ गतेसम्मको हो ।
