काठमाडौं । नेकपा (माओवादी केन्द्र)को जारी आठौँ राष्ट्रिय महाधिवशेनअन्तर्गत जारी बन्दसत्रमा अध्यक्ष पुष्पकमल दाहाल ‘प्रचण्ड’को राजनीतिक तथा वैचारिक दस्तावेज तथा विधानमाथिको समूहगत छलफलको निष्कर्ष सुनाउने क्रम जारी छ ।
अध्यक्ष मण्डलका अध्यक्ष कृष्णबहादुर महराको निर्देशनमा अध्यक्ष मण्डलकी सदस्य पूर्णाकुमारी सुवेदीले बन्द सत्र सञ्चालन गरिरहेकी छिन् । आजको बन्द सत्रमा सबैभन्दा पहिले सम्पर्क मञ्च प्रदेश कमिटीको तर्फबाट कृष्ण अधिकारीले समूहको निष्कर्ष राखे ।
बन्दसत्रमा अहिलेसम्म सल्लाहकार समूह (क) का तर्फबाट चित्रबहादुर श्रेष्ठ, कर्णाली प्रदेशका तर्फबाट गोपाल शर्मा, उपत्यका विशेष प्रदेश समूहको तर्फबाट समूह प्रमुख जगत सिंखडा, सुदूरपश्चिम प्रदेशका तर्फबाट समूह प्रमुख मानबहादुर धामी र बागमती प्रदेशका तर्फबाट इन्द्रबहादुर थिङले आफ्नो समूहको प्रस्तुति राखेको प्रचारप्रसार समितिले जनाएको छ ।
हिजो अपराह्न १ बजेदेखि समूहगत छलफलको निष्कर्ष सुनाउन थालिएको हो । हिजो साँझसम्म ११ समूहका तर्फबाट टोली नेताले छलफलको निष्कर्ष सुनाएका थिए । आजको बन्दसत्रमा बाँकी १४ समूहले समूहिक छलफलको निष्कर्ष सुनाउने कार्यसूची रहेको छ ।
राजनीति दस्तावेज र विधान मस्यौदामाथि छलफल गर्न प्रतिनिधिलाई २५ वटा समूहमा विभाजित गरिएको थियो । बधुबार सल्लाहकार समूहको तर्फबाट रामनारायण बिडारी, प्रदेश नं २ बाट सत्यनारायण भगत, आयोगको तर्फबाट टङ्क राई, गण्डकी प्रदेशबाट गायत्री गुरुङ, प्रदेश नं १ बाट अजम्बर काम्वाङ राई र हर्कबहादुर नेम्बाङले निष्कर्ष राखेका थिए ।
यस्तै प्रवास समन्वय समितिबाट मनऋषि धिताल, बागमती प्रदेशबाट सरल सहयात्री, केन्द्रीय विभागबाट गीता पनेरु, सुदूरपश्चिम प्रदेशबाट मिनबहादुर कँुवर र कर्णाली प्रदेशबाट विमला केसीले समूहको निष्कर्ष प्रस्तुत गरेका थिए ।
