काठमाडौँ । अर्थमन्त्री डा.स्वर्णिम वाग्लेले पूँजी बजार विकास र सुधारका लागि कानूनी उपाय पेस गर्न निर्देशन दिएको छ ।
सोमबार अर्थ मन्त्रालयमा नेपाल राष्ट्र बैंक र शेयर बजारको नियामक निकाय नेपाल धितोपत्र बोर्डका उच्च अधिकारीसँग छलफल गर्दै मन्त्री वाग्लेले यस्तो निर्देशन दिएको हो ।
बैठकमा नेपाल राष्ट्र बैंकका गभर्नर डा. विश्वनाथ पौडेल,नेपाल धितोपत्र बोर्डका अध्यक्ष डा. गोपाल भट्ट, राष्ट्र बैंकका डेपुटी गभर्नर किरण पण्डित र नेपाल धितोपत्र बोर्डका उपकार्यकारी निर्देशक नारायण शर्मा पौडेलको सहभागिता थियो ।
