काठमाडौँ । प्राइम कमर्सियल बैंक लिमिटेड कमलपोखरी काठमाडौँले सत्रौ बार्षिक साधारणसभा सम्पन्न गरेको छ ।

बुधबार सुन्धारा काठमाडौँमा बैंकका अध्यक्ष राजेन्द्रदास श्रेष्ठको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष श्रेष्ठद्वारा प्रस्तुत बैंकको आव २०८०/०८१ को बार्षिक प्रतिबेदन पारित गरेको छ ।

साधारणसभाले २०८१ असार मसान्तसम्मको वासलात, नाफानोक्सान हिसाब, नगद प्रवाह विवरण पारित गर्दै आव २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने सम्बन्धसमेत पारित गरि चालू आवको मुनाफाबाट ५ प्रतिशतको दरले ९७,०१,२८,७८६ रुपैयाँ नगद लाभांश वितरण गर्नेलगायतका प्रस्तावहरु साधारणसभामा पारित भएका छन ।

त्यसैगरी चालू आवमा बैंकको चुक्ता पूजी १९ अर्व ४० करोड २५ लाख ७५ हजार ७१६ रुपैयाँको भएको छ भने निक्षेप २ खर्व १५ अर्व ५१ करोड ४२ लाख २६ हजार ६५२ रुपैयाँ को हुँदा कर्जा १ खर्व ९३ अर्व ९२ करोड ७४ लाख ३६ हजार ४४५ रुपैयाँको भएको छ ।

यसैगरी लगानी ४७ अर्व ६२ करोड ९४ लाख ८६ हजार ७३२ रुपैयाँको भइरहदा बैंकको कुल सम्पत्ति २ खर्व ६७ अर्व २३ लाख ८४ हजार ७४६ रुपैयाँको हुन आएको छ ।

साधारणसभामा शेयरधनीहरुले राखेका प्रश्न तथा जिज्ञासाहरुको जवाफ अध्यक्ष श्रेष्ठ र बैंकका प्रमुख कार्यकारी अधिकृत सन्जीव मानन्धरले दिनुभएको थियो । विविध कार्यक्रमको साथमा साधारणसभा सम्पन्न भएको थियो ।