काठमाडौं । सुपरमाई हाइड्रोपावर लिमिटेड, ज्ञानेश्वर, काठमाडौंले १०औं बार्षिक साधारणसभा सम्पन्न गरेको छ ।

नक्साल, काठमाडौंमा शुक्रबार कम्पनीका अध्यक्ष अशोककुमार खडकाको सभापतित्वमा सम्पन्न सो साधारणसभाले अध्यक्षद्वारा प्रस्तुत कम्पनीको आव २०८०/०८१ को बार्षिक प्रतिबेदन पारित गरेको छ ।

लेखापरीक्षण प्रतिबेदन, वासलात, नाफानोक्सान हिसाब, नगद प्रवाह विवरण पारित गर्दै साधारणसभाले आव २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने सम्बन्धलगायत प्रस्तावहरु पारित गरेको छ ।

चालू आवमा हाइड्रोपावरको शेयर पूजी ५० करोडको रहेको छ भने मध्यम तथा दीर्घकालीन ऋण ७८ करोड ५३ लाख ४५ हजारको हुन आएको छ ।

त्यसैगरी १ अर्व ३० करोड २२ लाख ६६ हजार ९६ रुपैयाँ स्थीर सम्पत्ति रहेको सो हाइड्रोपावरले चालू आव २०८०/०८१ मा ७ करोड ३ लाख ३ हजार ६९० रुपैयाँ नाफा कमाउन सफल भएको छ ।

यसैगरी कम्पनीले यस बर्ष शेयरधनीहरुलाई चुक्ता पूजीको ५.६३१ प्रतिशतले हुने रकम २,८१,५७,८९४।६३ पैसा नगद लाभांश र चुक्ता पूजीको ७ प्रतिशत अर्थात ३,५०,००० कित्ता शेयर १०० को दरले हुने रकम ३ करोड ५० लाख वोनस वितरण गर्ने घोषणा गरेको छ । साधारणसभामा शेयरधनीहरुले राखेको जिज्ञासाको जवाफ अध्यक्ष खडकाले दिनुभएको थियो ।

-----