काठमाडौं । बुढानिलकण्ठ बिजनेस बचत तथा ऋण सहकारी सस्था लि., न्युरोड, काठमाडौंको १५औं बार्षिक साधारणसभा सम्पन्न भएको छ ।

न्युरोड, काठमाडौंमा शनिबार सस्थाका अध्यक्ष अनुपलाल मानन्धरको सभापतित्वमा सम्पन्न सो साधारणसभाले अध्यक्षले पेश गरेको सस्थाको बार्षिक प्रतिबेदन पारित गरेको छ भने चालू आवको वासलात, नाफा नोक्सान हिसाब, लेखापरीक्षण प्रतिबेदन, आव २०८१/०८२ को लेखापरीक्षक नियुक्तिलगायत प्रस्तावहरु साधारणसभामा पारित भएका छन् ।

साधारणसभामा प्रस्तुत चालू आवको वासलात हिसाब अनुसार सस्थाको शेयर पूजी ६१ लाख ३४ हजार ८०० रुपैयाँको भएको छ भने निक्षेप हिसाब ४ करोड ६६ लाख ४५ हजार ७२० रुपैयाँ २१ पैसाको हुँदा ऋण लगानी ४ करोड ६९ लाख ७२ हजार ८१९ रुपैयाँको भएको छ ।

यसैगरी विविध कारोबार गरि चालू आवमा सस्थाले ५ करोड ८७ लाख २७ हजार २५० रुपैयाँ १४ पैसाको कुल कारोबार गर्न सफल भएको छ ।

साधारणसभामा सेब्सका अध्यक्ष सन्तोष बिष्ट र सस्थाका निवर्तमान अध्यक्ष सगुन सुन्दर लावतीले सहकारीको विषयमा बोल्दै शुभकामना व्यक्त गर्नु भएको थियो भने अन्य विविध कार्यक्रमको साथमा साधारणसभा सम्पन्न भएको थियो ।