काठमाडौं । निब्स बचत तथा ऋण सहकारी सस्था लि. ठमेल, काठमाडौंको १५औं बार्षिक साधारणसभा सम्पन्न भएको छ ।
शनिबार सामाखुशी, काठमाडौंमा सस्थाका अध्यक्ष क्याप्टेन क्षत्रबहादुर महोत्रा क्षेत्रीको सभापतित्व तथा कामपा २६ वडा अध्यक्ष खेमप्रसाद तिवारीको प्रमुख आतिथ्यमा सम्पन्न सो साधारणसभाले अध्यक्ष महोत्राद्वारा प्रस्तुत सस्थाको बार्षिक प्रतिबेदन पारित गरेको छ ।
त्यसैगरी आव २०८०/०८१ को लेखापरीक्षण प्रतिबेदन, वासलात हिसाब, व्याजदर अनुमोदन सम्बन्ध, पीडित सदस्यहरुका लागि ऋण व्याज जरिवाना मिनाहा गर्ने सम्बन्ध, निस्कृय सदस्य खारेजी गर्ने प्रस्ताव साधारणसभामा पारित भएका छन भने आव २०८१/०८२ को सस्थाको नीति तथा कार्यक्रम, आगामी आवको लागि लेखापरीक्षक नियुक्ति तथा निजको पारिश्रमिक तोक्नेलगायतका प्रस्तावहरु साधारणसभाले पारित गरेको छ ।
साधारणसभामा प्रस्तुत चालू आवको वासलात हिसब अनुसार शेयर पूजी १ करोड १६ लाख १० हजार ६०० रुपैयाँको भएको छ भने निक्षेप दायित्वतर्फ २ करोड ६३ लाख ४ हजार ६८७ रुपैयाँ १० पैसा हुँदा ३ करोड २५ लाख ६ हजार २३६ रुपैयाँ २९ पैसाको कर्जा लगानी भएको छ ।
यसैगरी विविध कारोबार गरि चालू आवमा सस्थाको कुल कारोबार ४ करोड ३५ लाख ४६ हजार ४९४ रुपैयाँ ७० पैसाको हुन आएको छ ।
साधारणसभामा प्रमुख अतिथि तिवारीले सस्थाको उत्तरोत्तर प्रगतिको शुभकामना व्यक्त गर्दै विश्वासको वातावरण सृजना गरि अगाडि बढन आग्रह गर्नुभयो भने अन्य अतिथिहरुबाट पनि सस्थाप्रति शुभकामना व्यक्त गरिएको थियो । साधारणसभामा भूतपूर्व सैनिक, सहकारी कर्मी, अभियन्ता, सस्थासँग आवद्ध कारोबारीहरुको सहभागिता रहेको थियो ।
