काठमाडौं । फर्स्ट माइक्रोफाइनान्स लघु वित्त वित्तीय सस्था लि. ज्ञानेश्वोर, काठमाडौंले १५औं बार्षिक साधारणसभा सम्पन्न गरेको छ ।
बिहीबार काठमाडौंमा आयोजित सस्थाका अध्यक्ष राजा अर्यालको सभापतित्वमा सम्पन्न सो साधारणसभाले सस्थाको संचालक समितिको आव २०८०/०८१ को बार्षिक प्रतिबेदन पारित गरेको छ ।
लेखापरीक्षकको प्रतिबेदनको साथमा वासलात, नाफा नोक्सान हिसाब, नगद प्रवाह विवरण २०८१ साधारणसभाले पारित गरेको छ भने आव २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने प्रस्ताव हुँदै ९.४७ प्रतिशत लाभांश वितरण गर्नेलगायतका प्रस्तावहरु साधारणसभामा पारित भएका छन ।
समिक्षा बर्षको मसान्तसम्ममा लघु वित्तद्वारा ७७२ करोड कर्जा प्रवाह भएको छ भने १४ करोड ६ लाख ४९ हजार २३१ रुपैयाँ खुद मुनाफा आर्जन गर्न लघु वित्त सफल भएको छ ।
त्यसैगरी लघु वित्तले हालसम्म ३१.५२ करोड नगद तथा ७८.४४ करोड बराबरको वोनस शेयर लाभांश वितरण गरेको जनाएको छ ।
यसैगरी ४६.०३ करोड बराबरको हकप्रद शेयर जारी गरी चुक्ता पूजी १३४.४८ करोड पुर्याउन लघु वित्त सफल भएको आयोजित साधारणसभामा जानकारी गराइएको थियो ।
साथै आगामी आवमा लघु वित्तले कम्पनीको अधिकृत पूजी २ अर्व र १ अर्व ३४ करोड ४८ लाख ७१ हजार ३२३ रुपैयाँ चुक्ता पूजी वृद्धि गर्ने लक्ष्य राखेको छ ।
साधारणसभामा शेयरधनीहरुबाट उठेका प्रश्नहरुको जवाफ अध्यक्ष अर्याल र प्रमुख कार्यकारी अधिकृत नुमनाथ पौडेलले दिनुभएको थियो ।
