काठमाडौं । मैत्री बचत तथा ऋण सहकारी सस्था लि. बालुवाटार, काठमाडौंको ३२औं बार्षिक साधारणसभा सम्पन्न भएको छ ।
सस्थाका अध्यक्ष अभयप्रसाद गोर्खालीको सभापतित्वमा सम्पन्न सो साधारणसभाले अध्यक्ष गोर्खालीद्वारा शनिबार प्रस्तुत प्रतिबेदन पारित गर्दै लेखापरीक्षकको प्रतिबेदन, चालू आवको वासलात हिसाब, आव २०८१/०८२ को लागि लेखापरीक्षक नियुक्तिलगायतका प्रस्तावहरु साधारणसभाले पारित गरेको छ ।
चालू आवको वासलात हिसाब अनुसार सस्थाको चुक्ता शेयर पूजी २ करोड ५७ लाख ७० हजार ३०० रुपैयाँको हुँदा निक्षेप हिसाब ३० करोड ११ लाख १६ हजार ८६८ रुपैयाँ ५२ पैसाको भएको छ । ८ करोड ५१ लाख ४५ हजार ३५ रुपैयाँ ५१ पैसाको लगानी भैरहदा सो सहकारीको कर्जा तथा सापटी २५ करोड ६२ लाख ५ हजार ८११ रुपैयाँ ५३ पैसाको हुन आएको छ ।
त्यसैगरी विविध गरी चालू आवमा सस्थाले ४१ करोड २० लाख ९८ हजार ७४९ रुपैयाँ २९ पैसाको कुल कारोबार गर्न सफल भएको छ ।
साधारणसभामा सहकारीकर्मी अभियन्ता विभिन्न संघ/सस्थाका प्रतिनिधि, सहकारीमा आवद्ध कारोबारीहरुको उपस्थिति रहेको सो साधारणसभा विभिन्न कार्यक्रमको साथमा सम्पन्न भएको थियो ।
