काठमाडौं । पिपुल्स पावर लिमिटेडको आठौं बार्षिक साधारणसभा सम्पन्न भएको छ ।
आइतबार टोखा काठमाडौंमा कम्पनीका अध्यक्ष टङ्कराज अर्यालको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष अर्यालद्वारा प्रस्तुत आव २०८०/०८१ को बार्षिक प्रतिबेदन पारित गरेको छ भने लेखापरीक्षकको प्रतिबेदनसहित आव २०८०/०८१ को वासलात, नाफानोक्सान हिसाब, नगद प्रवाह विवरण साधारणसभामा पारित भएका छ्न ।
त्यसैगरी आव २०८१/०८२ को लेखापरीक्षक नियुक्ति तथा निजको पारिश्रमिक तोक्ने सम्बन्ध, सुशासन प्रतिबेदनलगायतका प्रस्तावहरु साधारणसभाले पारित गरेको छ ।
साधारणसभामा प्रस्तुत प्रतिबेदन अनुसार आव २०८१ मा कम्पनीले १,८७,०८,०७० किलो घण्टा विद्युत उत्पादन गर्न सफल भएको छ भने चालु आव २०८१/०८२ को पहिलो त्रैमासिकमा पुवा दुई जलविद्युत आयोजनाले तीन करोड एक लाख ४५ हजार रुपैयाँ आम्दानी गर्न सफल भएको छ ।
यसैबीच हाल कम्पनीको चुक्ता पूँजी ६३,२६,००,००० रुपैयाँ रहेको छ भने ऋण कर्जा ३५,३१,३०,००० रुपैयाँ रहन गएको छ । इलाम जिल्लामा रहेको ४.९६ मेगा वाट क्षमता रहेको पुवा दुई जलविद्युत आयोजनाको केन्द्रिय कार्यालय भने कुर्सानीटार काठमाडौंमा रहेको छ ।
