काठमाडौं । हिमालयन एभरेष्ट इन्स्योरेन्स लिमिटेड बबरमहल काठमाडौंको ३१औं बार्षिक साधारणसभा सम्पन्न भएको छ ।
शङ्खमुल काठमाडौंमा मंगलबार कम्पनीका अध्यक्ष महेन्द्रकृष्ण श्रेष्ठको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष श्रेष्ठद्वारा प्रस्तुत आव २०८०/०८१ को बार्षिक प्रतिबेदन पारित गरेको छ ।
आव २०८०/०८१ को लेखापरीक्षकको प्रतिबेदनसहित नाफा/नोक्सान हिसाब, नगद प्रवाह विवरण साधारणसभाले पारित गरेको छ भने आव २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने सम्बन्धलागायतका प्रस्तावहरु साधारणसभामा पारित भएका छ्न् ।
साधारणसभाले कम्पनीको चुक्ता पूँजी रु. २,५०,०१,५७,४००।०० को ८.७५ प्रतिशतका दरले हुन आउने रकम रु. २१,८७,६३,७७३।०० नगद लाभांश वितरण गर्ने निर्णय गरेको छ ।
साधारणसभामा शेयरधनीहरुबाट उठेका जिज्ञासाको जवाफ कम्पनी अध्यक्ष श्रेष्ठ र कार्यकारी प्रमुख अन्जु श्रेष्ठले दिएकी थिइन । यसैबीच विविध कार्यक्रमको साथमा साधारणसभा सम्पन्न भएको थियो ।
