काठमाडौं । सिटिजन लाइफ इन्स्योरेन्स कम्पनी लिमिटेड, थापाथली, काठमाडौंको आठौं बार्षिक साधारणसभा सम्पन्न भएको छ ।
काठमाडौं, नक्सालमा शुक्रबार कम्पनीका अध्यक्ष प्रदीपजङ्ग पाण्डेको सभापतित्वमा सम्पन्न सो साधारणसभाले अध्यक्ष पाण्डेद्वारा प्रस्तुत आ.व. २०८०/०८१ को बार्षिक प्रतिबेदन पारित गरेको छ ।
त्यसैगरी आ.व. २०८०/०८१ को वासलात, नाफानोक्सान हिसाब, नगद प्रवाह विवरण साधारणसभाले पारित गरेको छ भने आ.व. २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने सम्बन्ध एवं विशेष प्रस्तावहरु साधारणसभामा पारित भएका छ्न ।
साधारणसभाले कम्पनीको हाल कायम रहेको चुक्ता पूँजी रु. ३,९३,७५,००,०००।०० को १.४२०२२ प्रतिशतका दरले हुन आउने रकम रु. ५,५९,२१,०५२।६३ पैसा नगद लाभांश वितरण गर्ने निर्णय गरेको छ ।
यसैगरी कायम पूँजीको २६.९८४१२६९८ प्रतिशतले हुने रकम रु. १,०६,२५,००,०००।०० बराबरको वोनस शेयर जारी गरी कम्पनीको चुक्ता पूँजी रु. ५,००,००,००,०००।०० बनाएको छ ।
साधारणसभामा शेयरधनीहरुबाट राखिएका जिज्ञासाको जवाफ अध्यक्ष पाण्डे र सिईओ प्रकाशराज पौडेलले दिएका थिए । यसैबीच विविध कार्यक्रमको साथमा साधारणसभा सम्पन्न भएको थियो ।
-----
