काठमाडौं । आगामी भदौ ७ गते हुने नेपाल पर्वतारोहण संघको निर्वाचनको अध्यक्षको उम्मेदवारी घोषणा भएको छ ।
काठमाडौं, लाजिम्पाटमा मङ्गलबार आयोजित पत्रकार सम्मेलनमा अध्यक्षका प्रत्यासी उम्मेदवार फुर ग्याल्जे शेर्पा (फुर्वा)ले आफू संघको आसन्न निर्वाचनमा अध्यक्षमा लड्ने घोषणा गरेका हुन ।
आयोजित पत्रकार सम्मेलनमा शेर्पाले आफूले निर्वाचनमा जित हासिल गरे पर्वतारोहण क्षेत्रलाई अझ सशक्त र प्रवाहशाली बनाउने प्रतिबद्धता जाहेर गर्दै पर्यटन विश्वविद्यालय निर्माणका लागि पहल गर्ने र हिमाल आरोहीहरुलाई स्वदेश तथा विदेशमा अझ सम्मानित नगरिक बनाउने अभियानमा जोड दिने बताए ।
त्यसैगरी हिमाली पर्यटन क्षेत्रमा देखा परेका विभिन्न उतारचढावहरुलाई नीतिगतरुपमै सहज, सरल बनाउने र स्वदेशी, विदेशी पर्यटकहरुलाई हिमाली पर्यटन आकर्षणको केन्द्र बनाउनेसमेत अध्यक्षका प्रत्यासी शेर्पाले दाबी गरे ।
संघको नजिकिदै गरेको निर्वाचनमा पर्यटन क्षेत्र गर्माएको छ भने सो पर्यटन क्षेत्रको आगामी अध्यक्षको हुने भन्ने जिज्ञासा बढेर गएको छ ।
श्रोतका अनुसार हाल संघमा ८ सय भन्दा बढि मतदाताहरु रहेका छ्न भने ३५ सय भन्दा बढि नेपाली पर्वतारोहीहरु नेपालमा छन ।
