काठमाडौं । नाईल बचत तथा ऋण सहकारी सस्था लि. रविभवन, काठमाडौंको १५औं बार्षिक साधारणसभा सम्पन्न भएको छ ।
काठमाडौं, नैकापमा सस्थाका अध्यक्ष निलमणि पाठकको सभापतित्वमा शनिबार सम्पन्न सो साधारणसभाले अध्यक्ष पाठकद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ ।
लेखा समितिको प्रतिबेदन, लेखा परीक्षकको प्रतिबेदन साधारणसभाले पारित गरेको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्ध, आगामी बजेट सम्बन्धलगायतका प्रस्तावहरु साधारणसभामा पारित भएका छ्न ।
साधारणसभामा प्रस्तुत चालू आ.व.को वासलात हिसाब अनुसार सस्थाको शेयर पूँजी १ करोड ७० लाख ३१ हजार रुपैयाँ हुँदा बचत निक्षेप ९ करोड ३४ लाख ६७ हजार ४९९ रुपैयाँको भएको छ । १० करोड ११ लाख २६ हजार ९५० रुपैयाँ कर्जा लगानी रहेको सो सहकारीको विविध गरि चालु आ.व.मा कूल कारोबार १२ करोड ६६ लाख ४८ हजार १२९ रुपैयाँको हुन गएको छ ।
साधारणसभामा सहकारी अभियन्ता, सहकारीकर्मी, व्यापारी, सहकारीमा आवद्ध कारोबारीलगायतको उपस्थिति रहेको थियो भने विविध कार्यक्रमको साथमा साधारणसभा सम्पन्न भएको थियो ।
