काठमाडौं । हालै निर्धन विकास बचत तथा ऋण सहकारी सस्था लि. नयाँबानेश्वर काठमाडौंको १८औ बार्षिक साधारणसभा सम्पन्न भएको छ ।
सस्थाका अध्यक्ष निकेन्द्रबहादुर रावलको सभापतित्वमा नयाँबानेश्वर, काठमाडौंमा सम्पन्न सो साधारणसभाले सस्थाको संचालक समितिको तर्फबाट अध्यक्ष रावलद्वारा प्रस्तुत आ.व. २०८१/०८२ को बार्षिक प्रतिबेदन पारित गरेको छ ।
लेखा सुपरिवेक्षण समितिको प्रतिबेदन, कोषाध्यक्षको प्रतिबेदन, आयव्यय हिसाब, आगामी आ.व.को लागि लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छ्न ।
चालू आ.व.मा प्रस्तुत वासलात हिसाब अनुसार सस्थाको चुक्ता शेयर पूँजी २ करोड ६० लाख २१ हजार १०० रुपैयाँको हुँदा निक्षेप दायित्व ७ करोड ६२ लाख १२ हजार ९२१ रुपैयाँको भएको छ ।
कर्जा तथा सापटी ८ करोड ६९ लाख ५१ हजार ८१० रुपैयाँ भइ जगेडा कोष ४२ लाख ४२ हजार २४ रुपैयाँ रहन गएको छ ।
यसैगरी विविध कारोबार गरी चालू आ.व.मा सस्थाले १० करोड ७३ लाख ८३ हजार ११६ रुपैयाँको कूल कारोबार गरेको छ ।
साधारणसभामा सहकारी अभियन्ता, सहकारीकर्मी, समाजसेवी, सस्थामा आवद्ध कारोबारीको उपस्थिति रहनुका साथै विविध कार्यक्रमको साथमा साधारणसभा सम्पन्न भएको थियो ।
