काठमाडौं । सहलह:बचत तथा ऋण सहकारी सस्था लि. गल्कोपाखा काठमाडौंले १७औं बार्षिक साधारणसभा सम्पन्न गरेको छ ।
काठमाडौं, गल्कोपाखामा शनिबार सस्थाका अध्यक्ष शान्तराज महर्जनको सभापतित्वमा सम्पन्न सो साधारणसभाले संचालक समितिद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ ।
साधारणसभाले लेखापरीक्षण प्रतिबेदन, आ.व. २०८२/०८३ को प्रस्तावित बजेट, लाभांश वितरण सम्बन्ध पारित गरेको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत वासलात हिसाब अनुसार चालू आ.व.मा सस्थाको शेयर पूँजी १ करोड ७४ लाख ७६ हजार १०० रुपैयाँ भइ बचत निक्षेप १४ करोड ५६ लाख ४० हजार ७३३ रुपैयाँ भएको छ भने ऋण सापटी १२ करोड ४३ लाख ८५ हजार ६७६ रुपैयाँको हुन गइ विविध कारोबार गरि चालू आ.व.मा सस्थाले १७ करोड ५७ लाख ७३ हजार ३३१ रुपैयाँको कूल कारोबार गरेको छ ।
साधारणसभामा सहकारीकर्मी, अभियन्ता, समाजसेवी सस्थामा आवद्ध कारोबारीलगायतको उपस्थिति रहेको थियो भने विविध कार्यक्रमको साथमा साधारणसभा सम्पन्न भएको थियो ।
