ललितपुर । अष्टमातृका बचत तथा ऋण सहकारी सस्था लि.को १७औं बार्षिक साधारणसभाले बिष्णु गोविन्द थापालाई अध्यक्षमा चयन गरेको छ ।
ललितपुर, बागडोलमा हालै सम्पन्न सो साधारणसभाले उपाध्यक्षमा भाइरत्न महर्जन, सचिवमा राजुप्रताव राणा, कोषाध्यक्षमा रवि थापा मगरलाई चयन गरेको छ भने संचालक सदस्यहरुमा सृजनाकुमारी थापा, महेशकुमार थापा, रामभक्त थापा मगरलाई चयन गरेको छ ।
त्यसैगरी लेखा संयोजकमा प्रदिपकुमार यादव चयन भएका छन् । सदस्यहरुमा बाबुकृष्ण महर्जन र मिरा थापा चयन भएका छन् ।
निवर्तमान अध्यक्ष पुष्प थापा मगरको सभापतित्वमा सम्पन्न सो साधारणसभाले संचालक समितिद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ भने आ.व. २०८१/०८२ को वासलात, आयव्यय, नाफा/नोक्सान हिसाब, नगद प्रवाह विवरण तथा आगामी बजेट सम्बन्ध साधारणसभाले पारित गरेको छ ।
त्यसैगरी आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्ध, निर्वाचन सम्बन्धलगायतका प्रस्तावहरु साधारणसभामा पारित भएका छन् । साधारणसभामा प्रस्तुत वासलात हिसाब अनुसार चालू आ.व.मा सस्थाको शेयर पूँजी १ करोड ३२ लाख ७५ हजार १०० रुपैयाँ भएको छ भने बचत तथा निक्षेप १८ करोड २४ लाख ३४ हजार ३०० रुपैयाँ भइ ऋण लगानी १० करोड ७७ लाख १७ हजार ३२१ रुपैयाँको हुन आएको छ ।
एक करोड ६७ लाख १७ हजार ७०१ रुपैयाँ जगेडा रहेको सो सहकारीले विविध गरी चालू आ.व.मा २४ करोड ५८ लाख २० हजार ३९० रुपैयाँको कूल कारोबार गरेको छ ।
साधारणसभामा ललितपुर जिल्ला बचत संघका अध्यक्ष रामहरि बजगाई सहकारीकर्मी, अभियन्ता, सहकारीमा आवद्ध कारोबारीलगायतको उपस्थिति रहेको थियो भने विविध कार्यक्रमको साथमा साधारणसभा सम्पन्न भएको थियो ।
