काठमाडौं । श्री निश्चल बचत तथा ऋण सहकारी सस्था लि. नयाँ बानेश्वर, काठमाडौंको १८औं बार्षिक साधारणसभा हालै सम्पन्न भएको छ ।
सस्थाका अध्यक्ष रुद्र गिरीको सभापतित्वमा सस्थाकै भवनमा सम्पन्न सो साधारणसभाले अध्यक्ष गिरीद्वारा प्रस्तुत आ.व. २०८१/०८२ को बार्षिक प्रतिबेदन पारित गरेको छ ।
साधारणसभाले लेखा सुपरीवेक्षण समितिको प्रतिबेदन, लेखापरीक्षकको प्रतिबेदन, आगामी अनुमानित बजेट सम्बन्ध पारित गरेको छ भने आ.व. २०८२/०८३ को लेखापरिक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत चालु आ.व.को वासलात हिसाब अनुसार सस्थाको शेयर पूँजी १ करोड ७५ लाख रुपैयाँको भएको छ । बचत कोष ५ करोड १७ लाख ६० हजार ५४१ रुपैयाँ भइ ऋण लगानी ५ करोड ५८ लाख ५० हजार रुपैयाँको हुन गएको छ भने विविध कारोबार गरि सस्थाले चालु आ.व.मा ६ करोड ६४ लाख ७३ हजार ४७३ रुपैयाँको कूल कारोबार गरेको छ ।
साधारणसभामा सस्थामा आवद्ध कारोबारी तथा संचालक सदस्यहरुको उपस्थिति रहेको थियो । यसैबीच अन्य विविध कार्यक्रमको साथमा साधारणसभा सम्पन्न भएको थियो ।
