काठमाडौं । साहस उर्जा लिमिटेडको १२औं बार्षिक साधारणसभा सम्पन्न भएको छ ।
बबरमहल, काठमाडौंमा हालै कम्पनीका अध्यक्ष हिमप्रसाद पाठ्कको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष पाठ्कद्वारा प्रस्तुत कम्पनीको आ.व. २०८१/०८२ को बार्षिक प्रतिबेदन पारित गरेको छ ।
आ.व. २०८१/०८२ को लेखा परिक्षण प्रतिबेदनसहित आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धको साथमा विशेष प्रस्तावहरुसमेत साधारणसभामा पारित भएका छन् ।
साधारणसभाले १.१०५३ प्रतिशतको दरले हुने रकम रु. ४,१७,७८,९४७/३७ पैसा नगद लाभांश वितरण गर्ने घोषणा गरेको छ। चुक्ता पूँजी रु. ३,७८,००,००,००० को २१ प्रतिशतको दरले हुने रु. ७९,३८,००,०००।०० बराबरको ७९,३८००० कित्ता बोनस शेयर वितरण गर्ने भएको छ भने बोनस शेयर वृद्धि पश्चात् हुन आउने चुक्ता पूँजी रु. ४,५७,३८,००,०००।०० को १.१ बराबरको ४,५७,३८,००० कित्ता हकप्रद शेयर जारी गर्ने कम्पनीले जनाएको छ ।
हाल कम्पनीको अधिकृत पूँजी रु. १०,००,००,००,०००।०० रहेको छ भने जारी पूँजी रु. ७,५६,००,००,०००।०० रहन गइ चुक्ता पूँजी रु. ३,७८,००,००,०००।०० हुन गएको छ । ७० प्रतिशत सस्थापक शेयरधनी तथा ३० प्रतिशत सर्वसाधारणको शेयरको रुपमा कारोबार भइरहेको सो कम्पनीमा ८१५६ जनाको सस्थापक शेयरधनीहरुको लगानी रहेको छ ।
चालु आ.व.को कार्तिक मसान्तसम्ममा विद्युत बिक्रीबाट कम्पनीले १,२०,२४,२४,७२४।०० रुपैयाँ प्राप्त गरेको साधारणसभामा जानकारी गराइएको थियो ।
यसैबीच साधारणसभामा शेयरधनीहरुबाट उठाइएका विभिन्न सवालहरुको जवाफ अध्यक्ष पाठ्क तथा अन्य पदाधिकारीहरुले दिएका थिए भने विविध कर्यक्रमको साथमा साधारणसभा सम्पन्न भएको थियो ।
