काठमाडौं । बालाजी बचत तथा ऋण सहकारी सस्था लि. नयाँ बानेश्वर, काठमाडौंले १८औं बार्षिक साधारणसभा सम्पन्न गरेको छ ।
सस्थाका अध्यक्ष टङ्कप्रसाद तिमल्सिनाको सभापतित्वमा हालै सम्पन्न सो साधारणसभाले संचालक समितिको तर्फबाट अध्यक्ष तिमल्सिनाद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ ।
साधारणसभामा लेखापरीक्षकको प्रतिबेदनको साथमा २०८२ असार मसान्तसम्मको वासलात, नाफा/नोक्सान हिसाब तथा अन्य कारोबारी प्रतिबेदनसमेत पारित भएको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत वासलात अनुसार २०८२ असार समान्तसम्म सस्थाको शेयर पूँजी ८६ लाख १४ हजार ८०० रुपैयाँको भएको छ । बचत निक्षेप ८ करोड ७० लाख ९९ हजार ४२१ रुपैयाँ भइ कर्जा तथा लगानी ७ करोड ३६ लाख ९४ हजार ४११ रुपैयाँ हुन गएको छ । २ करोड ५८ लाख ३५ हजार ५७३ रुपैयाँ बैंक मौज्दात रहेको सो सहकारीले असार मसान्तसम्म १० करोड ६८ लाख ६६ हजार ४८० रुपैयाँको कूल कारोबार गरेको छ ।
साधारणसभामा सहकारीकर्मी, अभियन्ता, सस्थाका पदाधिकारीहरु, सस्थामा आवद्ध कारोबारीलगायतको उपस्थिति रहेको थियो भने विविध कार्यक्रमको साथमा साधारणसभा सम्पन्न भएको थियो ।
