काठमाडाैं । गैरआवासीय नेपाल संघ (एनआरएनए) औपचारिक रूपमा विभाजन भएकाे छ । एनआरएनकाे संस्थापक अध्यक्ष शेष घले समूहले बिहीबार काठमाडाैंमा अधिवशेन सम्पन्न गरेकाे छ । अधिवेशनले विनाेद कुँवर (काेरिया) काे अध्यक्षतामा नयाँ कार्यसमिति चयन गरेकाे छ ।
कार्यसिमितकाे उपाध्यक्षमा उमेश पुडासैनी (कुवेत), थर्क सेन (बेलायत), बाबुराम लामा (अमेरिका), सुरेन्द्र सिग्देल (अष्ट्रेलिया) र महिला उपाध्यक्षमा भोमा लिम्बु (अष्ट्रेलिया), महासचिवमा जानकी गुरुङ (बेल्जियम), सचिवमा जुनु गुरुङ (कोरिया), कोषाध्यक्षमा डिलाराम खरेल (अष्ट्रेलिया), क्षेत्रीय संयोजकमा केशव कँडेल (अष्ट्रेलिया), कृष्ण पोख्रेल (अमेरिका) र उल्का घिमिरे (बेल्जियम) छन् ।
निर्वाचन समितिले नवनिर्वाचित पदाधिकारीलाई सपथ ग्रहण र पदभार ग्रहण गराएकाे छ । सबै निर्विराेध निर्वाचित भएका हुन् ।
