काठमाडौं । पेवेल नेपाल र आइपे रेमिटबीच विदेशमा कमाएको धन सहजै रुपमा स्वदेशमा रहेका आफ्ना आफन्तलाई पठाउन सकिने गरी रेमिट सम्झौता भएको छ ।
सम्झौतामा पेवेल नेपालका तर्फबाट सहायक प्रमुख कार्यकारी अधिृकत प्रज्वल आचार्य र आइपे रेमिटका तर्फबाट व्यापार प्रमुख रुपनारायण श्रेष्ठले हस्ताक्षर गर्नुभयो ।
सम्झौतासँगै विभिन्न मुलुकबाट पठाएको रकम सिधैँ पेवेल नेपालको वालेटमा प्राप्त गर्न सकिने छ । यस्तै पेवेल नेपालको आधिकारिक एजेन्टबाट पनि रकम झिक्न सकिनेछ ।
डिजिटल रेमिट्यान्स प्रक्रियामा पेवेल आक्रमण ढङ्गबाट अगाडि आएको छ । पेवेल नेपालमार्फत भुक्तानी हुने रेमिट्यान्सको रकम स्थानीय एजेन्टले रियल टाइममा आफ्नो खातामा प्राप्त गर्न सक्ने कम्पनीका सहायक प्रमुख कार्यकारी अधिृकत आचार्यले जानकारी दिए ।
पेवेल नेपाल वालेट गुगल प्लेस्टोर र एप्पलको एपस्टोरबाट डाउनलोड गर्न सकिने छ । पेवेल नेपालको मोबाइल ग्राहक करिब चार लाख र नेपालभर करिब एक हजार स्थानीय एजेन्ट रहेका छन् ।
