मोरङ । जिल्लाको बेलबारी नगरपालिका लक्ष्मीमार्गमा भेटिनुभएका मोहम्मद लतिफले तीनदेखि घुम्ती सेवाका रूपमा सिरक डसना बनाउँदै बस्तीबस्तीमा हिँडिरहेको छ ।
बर्षौँदेखि जाडो याममा यसरी घर-घरमा सिरक डसना बनाउने पेसा गर्दै आएका उनले सिजनमा दैनिक रु एक हजार छ सयसम्म आम्दानी हुने गरेको बताए ।
भारतको फारबिसगञ्ज घर भएका लतिफले ५० वर्षदेखि नेपालका विभिन्न भेगमा गएर सिरक डसना बनाउने गरेको बताए ।
असी बर्षीय उनले भने, “नेपालमा काम गर्न सके मनग्य आम्दानी छ, यहाँको कमाइले भारतमा परिवार चलिरहेको छ ।”
सुरुवाती समयमा एउटा सिरक बनाएको रु पाँच सय थियो । अहिले बढेर रु आठ सय पुगेको लतिफले जानकारी दिए । उनले भने, “दैनिक कम्तीमा दुईवटा सिरक बनाउन भ्याउँछु । घरेलु सामग्री (धुनिया)बाट रुवा फिटेर सिरक डसना बनाउनु पर्ने भएकोले समय पनि बढी लाग्छ ।”
घरेलु सामग्री (धुनिया)बाट रुवा फिट्दै आएका मजदूर अचेल सुतीका कपडाको रुवा बनाउने उपकरण र ट्याक्टरसँगै लिएर हिँड्न थालेकाले पुराना कपडा खेर नजाने बेलबारी-११ की सीता खतिवडाले बताइन ।
“आजभोलि पुराना सुतीका कपडा खेर जाँदैनन्, घर-घरमा सिरक डसना बनाउने व्यक्ति आएर सबै पेलेर रुवा बनाइ दिन्छन्”, उनले भने ।
तीनदेखि पाँच जनाको समूहमा उनीहरूले काम गर्छन । ट्र्याक्टरमा सुतीका पुराना कपडा फिटेर रुवा बनाउने उपकरण लिएर हिँड्ने उनीहरूको समूहले दैनिक रु दस हजारभन्दा बढी कमाइ गर्दै आइरहेको लतिफले जानकारी दिए ।
पछिल्लो समय तयारी अवस्थाका फाइबरका सिरक, डसनालगायत सामग्रीको प्रयोग बढिरहेकोले व्यापार सोचे जस्तो नभएको उनले बताए ।
