तनहुँ । आँबुखैरेनी गाउँपालिकाका तीन वटा ग्रामीण सडकको धमाधम स्तरोन्नतिको भइरहेको छ । तीनवटै सडकको काम अन्तिम चरणमा पुगेको छ ।
आँबुखैरेनी गाउँपालिका–५ स्थित भकुण्डी–बरालुङबेँसी सडक, सोही वडाको लाब्दी घुमाउने सडक, आँबुखैरेनी गाउँपालिका–३ स्थित आँबु सडकको काम अन्तिम चरणमा पुगेको हो । ती सडक रु. ९१ लाख ३८ हजार दुई सय १२ विनियोजन गरेर काम थालिएको गाउँपालिकाका योजना शाखा प्रमुख उमाकान्त पौडेलले जानकारी दिए ।
भकुण्डी–बरालुङबेँसी सडकका निम्ति स्थानीयले रु. एक लाख ६३ हजार आठ सय २४ योगदान गरेका छन् । आगामी असार १५ गतेभित्र काम सम्पन्न गर्ने लक्ष्य छ ।
लाब्दी–घुमाउने सडकमा स्थानीयले रु. सात लाख ७५ हजार छ सय ५७ योगदान गरेका उनले जानकारी दिए ।
यसैगरी आँबु मार्गको स्तरोन्नति रु. पाँच लाख ३४ हजार तीन सय ८८ को लागतमा जारी छ । यो बाटोमा स्थानीयले रु. ५४ हजार तीन सय ८८ योगदान गरेका छन् ।
