तनहुँ । एक वर्षमा जिल्लाका तीन हजार घरमा खानेपानी सुविधा विस्तार भएको छ ।
खानेपानी तथा सरसफाइ डिभिजन कार्यालयले आर्थिक वर्ष २०८१/०८२ मा जिल्लाका दुई हजार नौ सय २७ घरमा खानेपानी सुविधा विस्तार गरेको हो ।
कार्यालय प्रमुख शम्भुराज खनालका अनुसार गण्डकी प्रदेश सरकारमार्फत दुई हजार दुई सय २१, सङ्घ सरकार सशर्त कार्यक्रमबाट दुई सय २६ र विशेष अनुदानमार्फत चार सय ८० घरमा खानेपानी सुविधा विस्तार भएको छ ।
अघिल्लो आ.व.मा जिल्लाका दुई हजार घरमा खानेपानी सुविधा पुगेको थियो ।
आर्थिक वर्ष २०८२/०८३ मा जिल्लाका चार हजार तीन सय घरमा खानेपानी सुविधा विस्तार गर्ने कार्यालयको लक्ष्य रहेको प्रमुख खनालले जानकारी दिए ।
कार्यालयका लागि आ.व. २०८१/०८२ मा पूँजीगततर्फ रु. ४३ करोड दुई लाख बजेट विनियोजन भएकोमा रु. ३९ करोड ४६ लाख ९१ हजार खर्च भएको छ ।
