काठमाडौं । लोकतान्त्रिक समाजबादी पार्टी (लोसपा) अध्यक्ष महन्थ ठाकुरले पहिलो संस्करणको नेपाल प्रिमियर लिग (एनपिएल)को उपाधि जित्न सफल जनकपुर बोल्ट्सलाई बधाई दिएका छन् ।
साथै उनले प्रतियोगितामा सहभागी सबैलाई शुभकामना दिँदै आगामी संस्करणहरूमा अझ राम्रो गर्ने विश्वास व्यक्त गरेका छन् ।
अध्यक्ष ठाकुरले नेपालको प्रथम नेपाल प्रिमियर लिग (एनपिएल) मा फाइनल म्याचको उपाधि विजेता टीम जनकपुर बोल्ट्सलाई हार्दिक बधाई एवं शुभकामना व्यक्त गर्दछु । उपविजेता सुदुरपश्चिम् रोयल र लिगमा सहभागी अन्य सम्पूर्ण टीमलाई बधाई छ ।
नेपाली क्रिकेटको महापर्व #NPL2024 भव्य र सभ्य रूपमा सम्पन्न भएको छ। यसले नेपाली खेलाडीहरूको क्षमता अभिवृद्धि गर्न महत्त्वपूर्ण योगदान गरेको छ ।
प्रतियोगितामा सहभागी सबै टिम, आयोजक, व्यवस्थापक, खेलप्रेमी दिदीबहिनी तथा दाजुभाइमा हार्दिक धन्यवाद व्यक्त गर्दछु ।
