काठमाडौं । पुष्कर बचत तथा ऋण सहकारी सस्था लि. पुरानो सिनामंगल काठमाडौंले १८औं बार्षिक साधारणसभा शनिबार सम्पन्न गरेको छ ।
काठमाडौं, पेप्सिकोलामा सस्थाका अध्यक्ष मनमोहन कुमार श्रेष्ठको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष श्रेष्ठद्वारा प्रस्तुत आ.व. २०८१/०८२ को बार्षिक प्रतिबेदन पारित गरेको छ ।
साधारणसभाले कोषाध्यक्षको प्रतिबेदन, लेखापरीक्षकको प्रतिबेदन, लाभांश वितरण सम्बन्ध, आ.व. २०८२/०८३ को बजेट सम्बन्ध पारित गरेको छ भने आगामी आ.व.को लागि लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
सस्थाको चालू आ.व.को वासलात प्रतिबेदन अनुसार शेयर पूँजी ३ करोड ३८ लाख ५४ हजार ३०० रुपैयाँको भएको छ भने बचत निक्षेपतर्फ १४ करोड १० लाख ९ हजार ५३९ रुपैयाँ हुँदा ऋण लगानी १५ करोड ८१ लाख ८८ हजार ९४६ रुपैयाँ भइ जगेडा १ करोड ९७ लाख ५५ हजार ७२२ रुपैयाँ रहन गएको छ ।
त्यसैगरी विविध कारोबार गरी चालू आ.व.मा सस्थाले २० करोड ६४ लाख ८५ हजार ३७० रुपैयाँको कूल कारोबार गरेको छ ।
साधारणसभामा सहकारीकर्मी, अभियन्ता, सहकारीमा आवद्ध कारोबारीहरुको उपस्थिति रहेको थियो ।
