काठमाडौं । आवर ओन बचत तथा ऋण सहकारी सस्था लि. सोर्हखुट्टे काठमाडौंको १६औं बार्षिक साधारणसभा सम्पन्न भएको छ ।
काठमाडौं, नयाँबजारमा हालै सस्थाका अध्यक्ष उपेन्द्रकुमार खनालको सभापतित्वमा सम्पन्न सो साधारणसभाले संचालक समितिको तर्फबाट अध्यक्ष खनालद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गर्दै चालू आ.व.को वासलात, नाफा/नोक्सान हिसाब, नगद प्रवाह विवरणसमेत पारित गरेको छ भने सस्थाको आगामी बजेट सम्बन्ध, आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत वासलात हिसाब अनुसार चालु आ.व.मा सस्थाको शेयर पूँजी १ करोड २६ लाख ३००० रुपैयाँको भएको हुँदा बचत तथा निक्षेप २ करोड ७६ लाख २६ हजार ९३५ रुपैयाँ भइ कर्जा लगानी ४ करोड ८७ लाख ७६ हजार ४५० रुपैयाँको हुन गएको छ ।
विविध कारोबार गरी चालु आ.व.मा सस्थाले ५ करोड ३५ लाख ५६ हजार ५०७ रुपैयाँको कूल कारोबार गरेको आयोजित साधारणसभामा जानकारी गराइएको थियो ।
साधारणसभामा सहकारीमा आवद्ध व्यक्तित्वहरुले आ-आफना धारणा राखेका थिए भने अभियन्ता, सहकारीकर्मी, सस्थासँग सम्बन्धित कारोबारीलगायतको उपस्थिति रहेको थियो । यसैबीच विविध कार्यक्रमको साथमा साधारणसभा सम्पन्न भएको थियो ।
