काठमाडौं । सानिमा मिडिल तमोर हाइड्रोपावर लिमिटेडले दसौं बार्षिक साधारणसभा सम्पन्न गरेको छ ।
कम्पनीका अध्यक्ष विनयकुमार श्रेष्ठको सभापतित्वमा काठमाडौं, चन्डोलमा बुधबार सम्पन्न सो साधारणसभाले कम्पनीको संचालक समितिको तर्फबाट अध्यक्ष श्रेष्ठद्वारा प्रस्तुत आ.व. २०८१/०८२ को बार्षिक प्रतिबेदन पारित गरेको छ ।
आ.व. २०८१/०८२ को लेखापरीक्षण प्रतिबेदन, आ.व. २०८२ असारमसान्तसम्मको वित्तीय विवरण, नाफा/नोक्सान हिसाब, नगद प्रवाह विवरण साधारणसभाले पारित गरेको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्ध, रिक्त रहेको एकजना स्वतन्त्र संचालक नियुक्ति गर्नेलगायतका प्रस्तावहरु साधारणसभामा पारित भएका छन् ।
चालु आ.व.मा कम्पनीले आफ्नो केन्द्रबाट ३६०.७८ गिगावाट विद्युत विक्री गरी कूल रु. १,९७,२५,८६,२७६/०० आम्दानी गरेको छ ।
आयोजनाको कुल अनुमानित निर्माण लागत रु. १३,९७,००,००,०००/०० रहेकोमा २३.८५ प्रतिशत स्वपूँजी र ७६.१५ प्रतिशत बैंक कर्जा रहेको सो कम्पनीले विभिन्न बैंक, वित्तीय सस्थाहरुसंग भएको सम्झौताअन्तर्गत स्विकृत कुल कर्जा रु. १०,६३,७८,००,०००/०० रकम मध्ये आ.व. २०८१/०८२ सम्ममा रु. ९,८८,७७,६१,७७४/०० उपयोग गरेको जनाएको छ ।
त्यसैगरी आ.व. २०८१/०८२ को असार मसान्तसम्ममा कर्जा रकम वापत सावाँ रु. २३,१७,४३,४२५/०० र व्याज बापत रु. ७७,७९,०७,०५८/०० भुक्तान गरिएको कम्पनीले जनाएको छ ।
आ.व. २०८१/०८२ को अन्त्यसम्म कम्पनीको अधिकृत पूँजी ३,५०,००,००,००० रुपैयाँ रहेको छ भने जारी पूँजी ३,३३,२५,००,००० रुपैयाँ र चुक्ता पूँजी ३,३३,२४,९७,००० रुपैयाँ रहन गएको छ ।
साधारणसभामा शेयरधनीहरुबाट उठेका सवालहरुको जवाफ कम्पनी अध्यक्ष श्रेष्ठ र महाप्रबन्धक सुदिप रोकाले दिएका थिए ।
ताप्लेजुङ जिल्ला स्थित ७३ मे. वा. क्षमता जडित मध्य तमोर जलविद्युत आयोजनाले २०८१ बैशाखबाट व्यापारिक उत्पादन शुरु गरेको हो भने कम्पनीको प्रधान कार्यालय धुम्बाराही काठमाडौंमा अवस्थित छ ।
