काठमाडौं । धनसार बचत तथा ऋण सहकारी सस्था लि. भद्रकालीप्लाजा, काठमाडौंको १७औं बार्षिक साधारणसभाले सस्थाको संचालक समितिको अध्यक्षमा पुन: टङ्कलाल श्रेष्ठलाई चयन गरेको छ ।
नयाँ बानेश्वर, काठमाडौंमा शनिबार सम्पन्न सो साधारणसभाले उपाध्यक्षमा बिनोद आचार्य, सचिबमा रोशन पाण्डे, कोषाध्यक्षमा बेनप्रसाद तिमल्सिनालाई चयन गरेको छ भने संचालक सदस्यहरुमा लक्ष्मी थापा, साबित्रा भट्टराई, गुनु खनाल, कमल अर्याल तथा दिपक चौलागाईं चयन भएका छन् ।
त्यसैगरी साधारणसभामा लेखा संयोजकतर्फ तिर्थराज अधिकारी तथा सदस्यहरुमा मन्जु पाण्डे र गङ्गाधर ज्ञवाली चयन भएका छन् ।
साधारणसभाले अध्यक्षद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ भने चालु आ.व.को आर्थिक प्रतिबेदन, आगामी आ.व.को बजेट तथा कार्यक्रम, विभिन्न लेखा प्रतिबेदनको साथमा आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्ध, निर्वाचन सम्बन्धलगायतका प्रस्तावहरु साधारणसभामा पारित भएका छन् ।
यसैगरी साधारणसभामा प्रस्तुत वासलात हिसाब अनुसार चालु आ.व.मा सस्थाको शेयर पूँजी १ करोड १७ लाख ६१ हजार रुपैयाँको भएको छ भने ऋण तथा सापट १२ करोड ७७ लाख ८४ हजार २८९ रुपैयाँ भइ बचत तथा निक्षेप १२ करोड १८ लाख ६१ हजार ७७२ रुपैयाँ कायम हुन गएको छ । जगेडा कोष १ करोड ४५ लाख ६ हजार ६१८ रुपैयाँ रहन गएको सो सहकारीले विविध कारोबार गरी चालु आ.व.मा १६ करोड ३० लाख २ हजार २७६ रुपैयाँको कूल कारोबार गरेको छ ।
सहकारीकर्मी, अभियन्ता, सस्थामा आवद्ध कारोबारीलगायतको सहभागिता रहेको सो साधारणसभामा एसइइ, प्लस टुमा उत्कृष्ट अङ्क ल्याउने विध्यार्थी २ जनालाई सम्मान गरिएको थियो ।
साधारणसभा सस्थाका सस्थापक अध्यक्ष कुलबहादुर आचार्यको प्रमुख आतिथ्य तथा हालै निर्वाचित अध्यक्ष टङ्कलाल श्रेष्ठको सभापतित्वमा सम्पन्न भएको थियो ।
साथै सहकारीमा मुल बिषय सहभागिता रहेको, सहकारी साक्षरता कार्यक्रम जरुरी रहेको, हातेमालो गर्दै एक्यवद्धताका साथ अघि बढनु पर्ने र पारदर्शी नीति नियमको पालना गर्नु पर्नेमा वक्ताहरूले साधारणसभामा जोड दिएका थिए ।
