काठमाडौं । प्रभु इन्स्योरेन्स लिमिटेड तिनकुने काठमाडौंको ३०औँ वार्षिक साधारण सभा सम्पन्न भएको छ ।
काठमाडौंमा कम्पनीका अध्यक्ष राजेन्द्र मल्लको सभापतित्वमा हालै सम्पन्न सोसाधारण सभाले कम्पनीको आ.व. २० ८१/०८२ को वार्षिक प्रतिवेदन पारित गरेको छ ।
साधारण सभाले लेखापरीक्षकको प्रतिवेदनसहित आ.व. २०८२ असार मसान्तसम्मको वासलात, नाफा/नोक्सान हिसाब एवं नगद प्रवाह विवरण पारित गरेको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्नेसम्बन्धको साथमा विभिन्न विशेष प्रस्तावहरूसमेत साधारण सभामा पारित भएका छन् ।
साधारण सभामा जनाइए अनुसार कम्पनीको चुक्ता पूँजी रु. १,७०,०९,५५,९१९।०० को ०.४५७९ प्रतिशतले हुने रकम रु. ७७,८८,५८८।०० नगद लाभांश वितरण गर्ने घोषणा कम्पनीले गरेको छ भने चुक्ता पूँजीको ८.७० प्रतिशतले हुन आउने रकम रु. १४,७९,८३,१६५।०० वोनस शेयर वितरण गर्ने कम्पनीले जनाएको छ ।
साधारण सभामा शेयर धनीद्वारा उठाइएका विभिन्न प्रश्नहरूको जवाफ अध्यक्ष मल्ल तथा कम्पनीका कार्यकारी अधिकृत सञ्चित बज्राचार्यले दिएका थिए भने विविध कार्यक्रमको साथमा साधारण सभा सम्पन्न भएको थियो ।
साथै प्राप्त सूचना अनुसार प्रभु इन्स्योरेन्समा कर्मचारी सञ्चय कोषको २१.६१% शेयर रहेको छ भने प्रभु बैंक लिमिटेडको १४% देवीप्रकाश भट्टचनको ७.७३% राजेन्द्र मल्लको ३.७४% पूर्णमान शाक्यको १.६०% प्रभु म्यानेजमेन्ट प्राइभेट लिमिटेडको १.३०% शेयर रहेको छ भने उनीहरू प्रतिशतभन्दा धेरै शेयर स्वामित्व भएका शेयरधनीहरूमा परेका छन् ।
