काठमाडाैं । शिवम् सिमेन्ट लिमिटेडले प्रदेश २ का एक हजारभन्दा बढी निर्माणकर्मीलाई पाँच लाख रुपैयाँ बराबरको बीमा गरिदिएको छ । प्रदेशको १२ स्थानमा निर्माणकर्मीहरूसँग प्राविधिक अन्तरक्रिया पनि गरेको सो कम्पनीले जानकारी दिएको छ ।
मर्चैया, गोलबजार, लाहान, सिराहा, कठौना, राजविराज, कञ्चनपुर, भारदह, बेलटार, रामपुर, कटारी लगायतका विभिन्न १२ स्थानमा एक हजारभन्दा बढी निर्माणकर्मीहरूको उपस्थितिमा उक्त कार्यक्रम सम्पन्न गरेको हो । अन्तरक्रिया कार्यक्रममा भवन निर्माणसम्बन्धी प्राविधिक परामर्श प्रदान गर्नुका साथै हरेक सहभागी निर्माणकर्मीहरूलाई बीमा पोलिसी हस्तान्तरण गरेको हो ।
शिवम् सिमेन्टले देशका विभिन्न स्थानहरूमा हालसम्म २५ सयभन्दा बढी निर्माणकर्मीहरूलाई परामर्श र पाँच लाख रुपैयाँ बराबरको बीमा पोलिसी उपलब्ध गराएको जनाएको छ ।
अन्तरक्रिया कार्यक्रमहरूमा निर्माणकर्मीहरूलाई दक्ष एवम् अनुभवी प्राविधिकद्वारा सिमेन्टसम्बन्धी जानकारी, निर्माण सामग्रीको गुणस्तर मापन तथा छनोट प्रक्रिया, निर्माणकर्मीलाई दिनहुँ आइपर्ने निर्माणसम्बन्धी समस्या समाधान उपाय र सिमेन्ट भण्डारणसम्बन्धी विस्तृत जानकारी गराइएको हो ।
शिवम् सिमेन्टका उत्पादनहरूलाई सरकारले नेपाल गुणस्तर चिन्ह ५७२, ४९ तथा आइएसआइ यूआरएस प्रमाणित आइएसओ सर्टिफिकेट प्रदान गरेको छ ।
