काठमाडाैं । नेपाल लाइफ इन्स्योरेन्स कम्पनी लिमिटेडको कोटेश्वर शाखाले दाबी गरेको दुई दिनमै मृत्युदाबीको रकम भुक्तानी गरेको छ । कम्पनीका मृतकको इच्छाएको व्यक्तिलाई मृत्युदाबीको ३ लाख १४ हजार बराबरको चेक हस्तान्तरण गरेको हो ।
विसं २०६९ माघ २८ गते २ लाख बीमाङ्कको बीमा गराएको बीमितको मस्तिष्कमा पानीको मात्रा बढी भएको कारण यही पुस २७ गते मृत्यु भएको थियो । कम्पनीका कोटेश्वर शाखा प्रमुख ज्ञानेन्द्रमान तुलाधर (ज्ञानु)ले माघ २८ गते एक कार्यक्रममार्फत बीमितको इच्छाएको व्यक्ति खिलनाथ फुयाँललाई मृत्युदाबीको चेक रकम हस्तान्तरण गरे ।
कार्यक्रममा कम्पनीका वरिष्ठ सहायक अनुजकुमार झा, सहायक प्रियङ्का कार्की र वरिष्ठ एजेन्सी म्यानेजर गोविन्द भट्टराईको समेत उपस्थिति रहेको थियो ।
