काठमाडौं । सेञ्चुरी कमर्सियल बैंक लिमिटेडले आफ्नो सेवा विस्तार गर्ने क्रममा आजदेखि काठमाडौंको भीमसेनगोलामा नयाँ शाखा सञ्चालनमा ल्याएको छ ।
बैंकका संचालक समिति सदस्य प्राडा गीता प्रधानले बैंकको १२९ औं शाखाकोे समुद्घाटन गरी सेवा शुभारम्भ गरिन् ।
कार्यक्रममा बैंकका अध्यक्ष राजेशकुमार श्रेष्ठ, संचालक मनबहादुर राई, सुनिल न्यौपाने, कायम मुकायम प्रमुख कार्यकारी अधिकृत मनोज न्यौपानेलगायत बैंक उच्च व्यवस्थापन समूह स्थानीयबासीहरुको उपस्थिति रहेको थियो । भीमसेनगोला शाखा संचालनमा आएपछि उपत्यकाभित्र बैंकको शाखा संख्या २६ पुगेको छ ।
देशमा सुगम तथा दुर्गम क्षेत्रसम्म सेवा विस्तार गर्ने उद्देश्यले बैंकले देशका विभिन्न स्थानमा शाखा, शाखारहित बैंकिङ्ग तथा एक्सटेन्सन काउण्टर संचालनमा ल्याएको छ ।
